بتقوللي ابعد
يابن الناس
ده قدرنا نتفرق
بتقول كفاية
تعبنا خلاص
والمركبة بتغرق
إيه بس خدنا
من الإحساس ؟
طول عمرنا بنعشق
إيه اللي نابنا
من الإخلاص ؟
والحق والمبدأ
غير بس وجع
الروح والراس
وسنين فينا بتسرق
داحنا ف زمن
المال فيه أساس
والقرش فيه بيفرِق
زمن العواطف
ولَّى خلاص
ولا عمره راح يرجع
رديت وأنا
كاتم الأنفاس
مانا كنت ليه بسمع
سبقت دموعي
ردودي يا ناس
ما قدرت ليها أمنع
ده كلامه طلقة
وجت ف الراس
بتصيب كده وتصرِع
ويا ريتها كانت
طلقة رصاص
دي كت دانة مدفع
كان عشقي عنده
وقلبي رخاص
كان بس ليه بيخدع
هانت عليه
أحلامي يا ناس
ولا حتى شوق يشغع
فوق المشاعر
خطى وداس
ولا لوم معاه ينفع
ده مسيره يندم
ع الإحساس
على قلب ليه أخلص
يشرب مرار
من نفس الكاس
وجراحه فيه توجع
بسمع وانا مدمع
بقلمي/ خالد جمال ٨/٧/٢٠٢٥
ليست هناك تعليقات:
إرسال تعليق