قلبي دق
لما شافك وردة نادية
خدت رأيه ف ثانية دق
لما حسك نجمة عالية
جن عقله ونبضه رق
لما قابلك قاللي هيه
هيه ديه وغيرها لأ
لما شاف الابتسامة
قاللي عندك ألف حق
لما كان ضيك علامة
ضوّى ليله وفجره شق
لما همستله الشفايف
جه وخايف
قاللي شايف قلت عارف
لأ فيه فرق
لما شاف العين حكاية
جه وقاللي خلاص كفاية
عشقه سارح ف الحنايا
سهم حبه صابني رشق
لما حسيت مش ده حاله
جيت ف ودنه سألته ماله
قاللي تهت أنا من جماله
جاب يمينه ريح شماله
خلى غربه يبقى شرق
من ساعتها قلبي دق
بقلمي/ خالد جمال ٦/٧/٢٠٢٥
ليست هناك تعليقات:
إرسال تعليق