روح هتجيبك
جمّد قلبك روح لحبيبك
أيوه هتاخدك روح هتجيبك
ليه تستنى الوعد يسيبك
ليه تتمنى وهوه ف جيبك
ليه تتأنى ف شعرك شيبك
تندم بعده وتشكي لهيبك
روح لحبيبك
هوه مُناك ودواك وطبيبك
حس هواك وناداك وداريبك
لو غاب يوم بيزيد تعذيبك
تجني هموم والفرح يسيبك
دانت نصيبه وهوه نصيبك
روح لحبيبك
لو وياه بتحس كمان
انك عارفه بقاله زمان
زي صديق أو حد قريبك
بحر حنان وسلام وأمان
وطنك فيه بيزول تغريبك
ليه بسكاتك
تتسبب ف وجيع اناتك
تتعذب ولحد مماتك
يعلى ف ليل البعد نحيبك
ليه وبخوفك
تسكن نار الحيرة ف كوفك
يبقى الويل والجرح ضيوفك
وضميرك بيزيد تأنيبك
ليه وبصمتك
تمحى كيانك فيك وارادتك
تقضي على الأحلام وسعادتك
يوم ما تسيبه وهوه يسيبك
لما تضيع قلب راضيبك
روح لحبيبك
روح هتجيبك
بقلمي/ خالد جمال ٣/٧/٢٠٢٥
ليست هناك تعليقات:
إرسال تعليق