التمن
هات إيديك غمض عينيك
خد بإيدي تعاله قوم
أنا يا حبيبي نظرة عينيك
طايرين سوا وسط النجوم
هنا السعادة وهنا النعيم
شامم معايا عطر النسيم
تعال حبيبي بحضن قلبي
خلينا ساعة في الشوق نهيم
نرجع سوا نفس السكن
حلو معاك حتى السكون
وهمس حبك لحن الشجن
نرقص معاه بلحظة جنون
تعال قوم ما تخافش قوم
ننسى الحياة ننسى الهموم
اقول كسيح والبحر ريح
والموجة عالية بطول الزمن
عاجز جريح بلسان فصيح
ما خانش عمره لما ائتمن
ودفع التمن لما ائتمن
العمر ضاع من غير تمن
خلاص بقيت عصفور ضعيف
أخرس فصيح ما اعرفش اقول
ربيعي فات بفصل الخريف
جايينلي ليه في وقت الأفول
الجذع مايل حبايبي الصغار
خايف عليكم بكرة النهار
يحيى حسين القاهرة
22 أغسطس 2025
ليست هناك تعليقات:
إرسال تعليق