فلسفة الحياة 1
د/ علوي القاضي
... في ١٩٨٥ كان يذاع مسلسل إسمه (عبده غلط في الحساب)
... هذا المسلسل كان من 5 حلقات فقط (خماسية) مدة الحلقة ساعة
... قصة المسلسل بتحكي عن عم (عبده القهوجي) ، رجل عجوز كبير في السن ، جمع في حياته كلها (11 الف جنيه) ، [تحويشة عمره] ، بعد ما أمسك على نفسه ، واقتصد في المصروفات ، وهذا مبلغ في ذلك الوقت لو تعلمون عظيم ، عم (عبده القهوجي) كان له فلسفة خاصة فى الحياة ، فقرر أنه يقسم تحويشة عمره دي على الباقي من سنين حياته ، واستعان بخبير في الحسابات يعمل له حسبة عمره وقال :
.. أنا هوضب الشقة ، وأجيب أثاث جديد ، وملابس جديدة ، واعمل وأسوي ، دول بـ 500 جنيه ، وهخلي 500 جنيه إحتياطي ، يبقى كدا يتبقى 10 الاف جنيه
.. ولو عشت 10 سنين كمان ، يبقى كده أحتاج ألف كل سنة ، يعني 80 جنيه في الشهر ، يعني أعيش ولا السلاطين ، هعيش ملك وفعلا دا مبلغ كبير قوي وقتها يعيشه أفضل عيشة
وظل يصرف ، ويعيش ويتمتع لحد ما خلصوا الـ 10 سنين ولكنه لم يمت ، فيا تري إيه اللي ممكن يحصل ، لان (عبده غلط في الحساب)
... القصة أصلا مأخوذة من قصة حقيقية حصلت في مصر قبل كدا ، حكاها الفنان (فريد شوقي) ، عن راجل يوناني إسمه (يني) عاش في مصر وكان مبسوط جدا ، جاب كل فلوسه ، وخلى محاسب يحسبله ثروته اللي معاه ، وقال أنه لو هييعيش عشر سنين هيصرف كام في الشهر فعمله ميزانية عاش على أساسها ، لكنه عاش أكثر من 10 سنين ، فتعب جدا فى العمل الشاق واشتغل جرسون ، وفضل يقول (يني غلط في الحساب)
... إذن نستخلص أن لكل منا فلسفته الخاصة في الحياة ولكن الهدف النهائي واحد وهو الإستمتاع بالحياة لأقصى درجة ، فمنا من ينجح ومنا من يخفق
... تحياتى ...
ليست هناك تعليقات:
إرسال تعليق