...............
نقطه ونبتدي من أولها
وإن شاء المولى يعديلها
سترك يا كريم
معازيم بتهني في جوازة
والكل بيرقص في لذاذه
أوجاع أحزان كله إتلكفيت
جوانا ليوم واخده أجازة
وإبعد يا حسود الله يسيئك
غمض لي عينيك ملكاش عازة
جابوا المأذون ينهي فراحها
والكل بيسأل ولماذا ؟
أصل الننوسه
بتتشرط أمك وأمك
ولا فيه جوازة
لا هعيش وياها في بيت واحد
ولا تدخل بيتي بدون عازة
وإن حبيت يوم تيجي تزورنا
لا تبات تاني يوم تنسى لهذا
من أول يوم تهدمي بيتك
سايبه لنا غرورك يتشرط
.. أمي دي حياتي إنتي نسيتي
وهوطي وأبوس ضي قدمها
والحق عليا لا عليكي
وهدوس على قلبي إن كان رايدك
ولا أفارق أمي إتجنيتي
نقطه ونبتدي من أولها
طب ليه ما تعامليها كأمك
والكلمه حنان مش شوك سمك
هيعيش البيت كله سعاده
هينوبيك حبه وهيضمك
والبال مرتاح
مش محتاجه
يهرب من البيت يتقي نكدك
ولا تاني يفكر يعملها
ويجيب لك ضره يا حزينه
فشكيلتي بنقصك دي جوازه
بقلم ..صبري رسلان
ليست هناك تعليقات:
إرسال تعليق