................
ده لا يعرف عيب
ولا ما يصاحيش
ده ضاربها طناش
قاعد فى البيت
ملهوش لازمه
ما يوعى لا يتشاف
معمي ع الكيف لأجل مزاجه
باع عفش البيت راهن بابه
يأمر فى القصر بخدامه
في خيال حشاش
بقى وحش مخيف ضرب إهانه
والست بتشقى وغلبانه
عايش بعرقها وبفلوسها
من خوفها بتنكر تعبانه
مرت أيام حاله ما يسرش
صحته فى النازل دوحديرة
ما فى حد في جيرته
إلا يسبه
أبو وش مشاكل غاب سيرته
راجع مسطول وبيترنح
بلسانه سليط وبيتسلح
شكله كده واقع فى الساقيه
من نص الليل جسمه مجرح
في جيران سمعوه قالوا غباشي
حبل يا سعفان
إنجدوا يا ولاد
طالع من الساقيه شيطان ماشي
يلعن ويسب ما خلاشي
أخر المعروف ضرب لكفوف
تاني مره هتندم يا غباشي
ويومين ولاقوه واقع تاني
قفلوا في بيبانهم ولا سألوا
الكل فاتوه يكفينا شرك
والكل شافوه ولا شوفناشي
والله هتوحشنا يا غباشي
باي باي بشيطانك خده جارك
دي النار من غيركوا ما تحماشي
والشر ومات حاضنه غباشي
بقلم .. صبري رسلان
ليست هناك تعليقات:
إرسال تعليق