عشقك وطن ومالوش حدود
عشقك ده بالفطرة
عشان انت حد نادر الوجود
عشان انت واد عترة
حسنك وراثة محتاج دراسة
من هنا لبكره
حبك كمان حصن وأمان
حبك يا واد سُتره
مبهورة عيني بيه من زمان
مشغول بيه من فترة
خطفت قلبي من مرة واحدة
وبقيت في حاله خطرة
ده أشد من الكمترى يا ناس
ده أحن منها وأطرى
من فيض جماله ما بقتشي شايف
ولا نفعت القطره
ضيعت مالي علشان اطوله
بالكوم وبالكترة
دانا كنت بشرب مارلبورو
شربني كيلوباترا
علشانها كله يبيع هدومه
دي معلمة وشاطرة
كان قلبي بور وشجر كافور
نزِّل فيه المطره
قلت ازرع ايه يا عم قول
راح قاللي كمترى
بقلمي/ خالد جمال ٤/٩/٢٠٢٥
ليست هناك تعليقات:
إرسال تعليق