من غير هواه
من غير حبيبي صعبة الحياة
عايش حياتي بين ويل وآه
تايه شريد
من يوم لُقاه
من يوم ما قلبي حسُّه التقاه
من يوم ما عيني عشقت ضياه
ماعرَفشي غيره وماليش سواه
ساكن ف روحي قلبي احتواه
بلسم جروحي دم ف وريد
كان قلبي طير رفرف معاه
له خط سير طاير وراه
غنَّى لهواه وبصوت غريد
من يوم ما سابُه ضاقت سماه
جناحاته شابوا والريح رماه
فاض بيه عذابه والخوف ملاه
طاير يعاني بجناح مهيض
ارجع حبيبي محتاج إليك
محتاج اوي للمسة ايديك
مشتاق يا غالي وهاموت عليك
تسكن ف حضني وأسكن عنيك
لو جيتني تاني هيعود زماني
هعرف مكاني ما بقاش شريد
شريد
بقلمي/ خالد جمال ٢٣/٩/٢٠٢٥
ليست هناك تعليقات:
إرسال تعليق