مش عارف إيه آخرتها معاك
ولامتى أنا هفضل أتحمل
إيه آخرة صبري معاك ف هواك
هفرح ولا ف حزني مكمل
هشرب من مر جفاك وأساك
ولا الهوى بيك شهد مرمِّل
هتهني الروح والقلب معاك
وأسرح ف جمالك واتأمل
ولا المكتوب للقلب هلاك
هتفوت أشواقي وهتهمِّل
هتكونلي حبيبي حياة ووجود
ولا هعيش جمبك مترمِّل
هياخدني هواك لطريق مسدود
ويكون وياك بختي قليل
ولا الأحلام هتعدي حدود
هتاخدني لأكتر ما اتخيل
هيزول غيمي والفجر يعود
والشمس هتشرق وتميِّل
ولا هتفضل لياليا السود
فوق كتفي من الهم تشيِّل
رسيني حبيبي أنا بيك موعود
لمح لو كان صعب تبين
أنا قابل منك أي ردود
مهما تقول عمري ما هتحول
ما تحن يا روحي عليا وجود
وتعالى على القلب وضلل
بقلمي/ خالد جمال ٢٦/١٠/٢٠٢٥
ليست هناك تعليقات:
إرسال تعليق