................
بما إن وحيث بنتكلم
جينا أهو من الباب
طالبين في أيدين أحلى عروسه
لعريسنا حجاب
ساقط وعلام مش في دماغه
في أيديه المال
مرتاح حاله
لابخيل ولا ولا شلال للمال
وأخلاق إنما لو فيه إنصاف
شيخ للإسلام
عن ذوقه وأدبه وتربيته
نعمل له مقام
عن إذنك سجاده يا عمي
المغرب وجبيت ألحقها قوام
إدونا أسبوع نسأل عنه
بعدين فيه كلام
وأبوها ما صدق راح يسأل
لقى سيرته هباب
وجيرانه يادوب تسمع إسمه
وتسك الباب
مصدوم الراجل جاب بنته
عاوزاه يا سلام
غلب ينصحها نشف ريقه
جاته جلطه ما قام
والأم تشجع وترحب بزغروته قوام
إسم الله عليه هينغنغنا
ونعيش في أمان
شهرين والتالت ما صبرشي
بيعها هدومها
ما أهو أصل عريسنا
مقضيها
ترانزيت في ليمان
نصب و بلطجه إدمان ماشي
والسمعه هباب
إداري في ضهر فقير ماشي
هتعيشي ويعيش
ما أهو قالك لأ
يسلم أبوكي
وإتبعتي رخيص
أيه أصله وفصله لا سمعتي
ووقعيتي فطيس
والأم ما لحقيت تتنغنغ
هتنام ع الخيش
وأساور عار دفي أيديكي
بس ما تبكيش
أيش ياخد الريح
من دي جوازه
غير نتف الريش
بقلم .. صبري رسلان
ليست هناك تعليقات:
إرسال تعليق