لعداوة ماتخيط ثوب لمزق
كيف لهيب يمزق ويحرق
هذي دار نبي كداوي
بمحبة لالة كتساوي
وتعالى ننساو جرح ماضي
ونمذو يدينا ربي حاضي
نمشيو ف مسيرة حب وخاوة
ورجوع لله بسرار داوة
بارح رفاق كنا قرح وفراح
كنا يد وحدة تبري جراح
بارح كنت معاك في بيتي
دابا تقول ليا فين كنتي
لحدود مفتوحة نعطيك سلاحي
ماهاني اقراحك و قراحي
ارجع لله دخان واحد
واليوم مالك عليا مباعد
قلب كبير جاري ياجاري
وعرف بلي دارك داري
احنا خاوة خاوة من زمان
جامعانا جو رة والقرءان
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق