يااهل الضمير
................
الضمير راح ياخسارة
سفروة راكب طيارة واللي باعـة فاكـرها شطارة
قال يـعني هايبني
من وراه العمارة لما يسرق له كـام شيكـارة من اللي إئتمنوة وهو خانة
الضمير يأأهل الضمير
الضمير
راح علي فين وبيحلف بكام الف يمين
ومحدش بقا عارف مين الحرامي والصادق فين لما بعنا الضمير بكام باكو وجنهين
الضمير يااهل الضمير
الضمير
ولاعادله الف لزمة عند عديم الشرف
عاملة أزمة ونجيت في يوم تعاتبة اضربة بالف جزمة عشان ساعتها يفوق ويصحى قبل مايعلق
المحلول وندورة على علاج البلازما
الضمير يااهل الضمير
الضمير
واسالوا اهل الدين هما عنه مسؤلين
ينصحونا بالتي هي احسن
عشان حساب الآخرة شين
وحساب اللي باع ضميرة هيبقا على الوشين وش دنيا وفيها تاية ووش آخرة حسابة طين
الضمير يااهل الضمير
الضمير
واقف ماسك في إشارة
وهناك ماسك زمارة مش سايب لينا
أي أمارة لحرامي ومرتشي واقف في إشارة او مدير ماسك في سفارة
الضمير لما باعوة قالوا عدوى ومن مكانة يالة شلوة ولبرة الشارع روحوا بسرعة أوام وارموه
الضمير يااهل الضمير
الضمير
من قاموسنا غايب قالوا عليه كلام عايب هو الحق طول عمره خايب لابيودي ولابيجيب واللي بيتبعة
مالوش عندنا نايب
الضمير يااهل الضمير
الضمير
ليه عندنا ياعم سايب
قالوا عليه دايما نايم مش معملوله حساب قايم و
ولااللي بيغلط هنا أوام يتحاسب
الضمير يااهل الضمير
الضمير
عندنا واخد راحة ساكن في كل مكان
ماسبش فاصلة ولامساحة خلي الحرامي مدير وبيه ماسك في نادي
كبير وساحة خلي الكل جوة عبة
وحبيبتي ملو الطراحة وسرقة بسرقة
الحرامي وخدها راحة
الضمير ياأهل الضمير
الضمير
واخد هدنة واستراحة واللي مايعرفش ايه يعني الضمير
يسيب مانجة وياخد أختها تفاحة
ويروح يسكن هناك بمرينا هيلاقي
الناس في الساحة عمالة تطوح سواحة
الضمير ياأهل الضمير
الضمير
من غيرة ازاي تقدر تعيش دا انته لو هتكُلها بعيش عيشها وأحمد الخالق لومفيش غيره ملح وعيش الضمير يأهل الضمير
الضمير
للي بيدور عليه فتش في ذاتك هتلاقي راحة نفسية واطمئنان وفي جنة الخلد هناك لما تقابل وجه كريم تلقا عملك الطيب واقف هناك بيستناك
بقلم عبد المنعم مرعي
ليست هناك تعليقات:
إرسال تعليق