حب جامد حب واعِر
حب يخطف ف المشاعر
حب عِترة بتاع يناير
تلقى قلبك راحله طاير
حتى لو لفَّاه ستاير
والضلوع متكلفتة
حب قلبك يرضى بيه
بيدَّفي ياما
لو عشقت قول عليه
يالَّا السلامة
حب عايق تلقى فيه
زهو وقَيامه
حب ولعه
نار وشطة مشطشطة
عشق جارف تلقى مطره
سيل ونازل م السما
حب خاطف برقه رعده
يضوي فيك وبمعلمة
حب عارف مين رايحله
مش بياخد بالوما
حب راقي فينا باقي
مش أوام وبكروته
حب الشتا
حب ييجي بسرعه ياخدك
مهما كان الجو برد
لو عشقت فيه يا بختك
تلقى عيشتك فل ورد
كل فرح الكون ما سايعك
والسعادة طول بعرض
تلقى كل الدنيا تحتك
طير وطاير ف السما
ماتشوفش أرض
لو عشقت
ومرة واحدة عليك سطا
حب الشتا
بقلمي/ خالد جمال ٢٩/١١/٢٠٢٥
ليست هناك تعليقات:
إرسال تعليق