ليه بتعند ويا قلبك
ليه مصمم تمشي عكس
ليه تداري الشوق وحبك
عقدة عندك ولا نقص
ليه بتهرب م اللي رايدك
اللي واهبك روح ونفس
ليه تقرب م اللي سايبك
اللي عمره بيك ما حس
ليه متوه قلبي جمبك
بكره عندك زي أمس
ليه زمانك لف دار بك
ليه مخدتش منه درس
ليه بإيدك يبقى دربك
درب حيرة وخوف ويأس
وأما اجيلك يوم واعاتبك
اللي باخده كلام وبس
ده الغرام مش لعبة عندك
أو شيطان ف القلب مس
الغرام قلبين تعاهدوا
كل قلب بغيره حس
بعد مني وبرضه بعدك
باقي زي نجوم وشمس
بقلمي/ خالد جمال ٤/١١/٢٠٢٥
ليست هناك تعليقات:
إرسال تعليق