ماتلومشي عليا عشان جمبك
ولا تطلب مني أفوت دربك
لو حد يا عمري عليه هتلوم
لأ لوم على قلبي عشان حبك
ماتلومشي عنين مجافيها النوم
ولا روح طايرة حواليك بتحوم
ماتلومشي كمان وياك صوتي
عاش يصرخ بس بصوت مكتوم
ماتلومشي آهات ساكنة ضلوعي
ولا جفن احتار يخفي دموعي
وجبين كان ليك ف العتمة النور
وطفيت بايديك كل شموعي
ماتلومشي ف ليلي التنهيدة
انات ف الشوق عايشة وحيدة
كان أملي تعيش وياك وتدوم
ما تعيشي ف يوم تايهة شريدة
ماتلومشي شعوري واحساسي
أنه اختارك أهلي وناسي
ومعاك عاش مجني عليه ومظلوم
عشقك وأتاريك للشوق ناسي
لو بدك حد عليه هتلوم
لوم قلبي عشان عشقك ف غيوم
أول ما معاه شمسك لاحت
كان أول حد عليه بتلوم
بقلمي/ خالد جمال ٩/١٢/٢٠٢٥
ليست هناك تعليقات:
إرسال تعليق