اسمع مني وماتعلقش
اسكت خالص وماتنطقش
كنت معاك طيب وحنين
وانت قساوتك دي ماتنطقش
كنت صريح للعشق مبين
وانت أناني ومابتعشقش
كنت بخاف على زعلك دايماً
وانت معاك كت مابتفرقش
كنت عليك بقلق واتوغوش
وانت إزاي قلبك ماقلقش
كنت معاك بشتكي واتظلم
قسوة قلبك ولا رقتش
كنت بتجرح فيا وتألم
وأما احكيلك ماتصدقش
مهما هقول عنك واتكلم
كل كلامي ماهيكفكش
كنت زمان بسكت على جرحك
كنت بخاف تزعل لو اصارحك
علشان عاشقك كنت بسامحك
تبقى انت المحقوق وبصالحك
كان غدرك بيبان ف ملامحك
كان ساكنك وف كل جوارحك
كان عشقك وهواك لمصالحك
مش محتاج ردك ولا شرحك
ولا تنفع كلمة معلش
كنت بداري ف قلبي لهيبي
كنت استحلى معاك تعذيبي
كنت بقول ع الوعد نصيبي
كنت بحبك اوي يا حبيبي
بس هواك كان سر نحيبي
ولا قلبك كان عمره داريبي
يوم ورا يوم حسيت تغريبي
واتغير في الهوى ترتيبي
حلم الروح وياك ماكملش
بقلمي/ خالد جمال ١٧/١٢/٢٠٢٥
ليست هناك تعليقات:
إرسال تعليق