إللى إتعود على النفاق من صُغره
بيتمرمغ فى قذارته طول عُمره
لا يعرف دين ولا صفحه فى مله
ولا أخلاق ولا ف دمه منها قطره
ولو كان عريض المنكبين تشوفه ذبله
منفوخ هوا ويخاف من أى نمله
يعيش جبان جوا نفسه ف حفرة
ويخاف من الشمس ولو ضل شجره
ولون الضحكه على شفايفه صفرا
والنفاق فى دمه والأفكار الجاهله
إللى إتربى على النفاق من صُغره
محروم من الإيمان والأمان والنور
عما البصيرة يعيش فى نن نظره
والرعب جواه ولو حُراسه طابور
ضعيف القووة وهو فاكرها قووة
ضعيف البصر منزووع منه النخوة
لا عنده بُعد نظر ولا ذرة م المروه
وأساسيات النفاق الجهل والغرور
الإنسان معزز مكرم خلقه الله عزيز
عابد لله خاضع فى الطاعة والعبادة
أعزه الله بالفكر والرحمة والتمييز
وجبر خاطر الناس وحُسن القيادة
واللى إتربى ع النفاق له يوم عسير
ويوم الميزان لو طب مالوش إعادة
...........................................
........ د/ حسن الشوان 🇪🇬........
ليست هناك تعليقات:
إرسال تعليق