حبي ليها ماكانش حلم
لأ ده كان للروح كابوس
كنت حاسس فيه برعب
وانت فيه بترهِب نفوس
كان غرامي أنا زي لحم
كنت فيه بتدبح بموس
شفت قلبي أنا زي عضم
وانت قلبك نخر سوس
كنت بحضن شوق واضم
وانت ع الأوجاع تدوس
كان هيامك بيا كدب
كان غرامك ويل ضروس
جيتني واديتلك أمان
كنت عايش طير يئوس
قلت ده اللي بيه الزمان
حَنَّ من بعد العُبوس
قلبي داق وياك هوان
والضنا شربته ف كؤوس
كان هواك زي الرحايا
لِيه ف جرح الروح طقوس
دايرة تطحن في الحنايا
ع الحنين والشوق تدوس
قبل ما اتورط ف حبي
قبل ما تاكلني التروس
كان عذابك ويا قلبي
خدته درس من الدروس
قبل ما اتكمل ف حلمي
فقت يابني من الكابوس
بقلمي/ خالد جمال ٢١/١٢/٢٠٢٥
ليست هناك تعليقات:
إرسال تعليق