_ ايه اكتر حاجه بتكرهها؟؟
_ العشم.. اكره انى اتعشم في حد ويخذلنى.. بتعب تعب
مايتوصفش اذا تعرضت للخذلان.
_ ايه اكتر حاجه بتحبها وتفضلها؟؟
_ انى اكون لوحدي.. الوحده اهون الف مره من انك تعيش مع ناس مش مرتاح لهم ومفيش بينكم تفاهم وبيحاولوا يتعبوك باى طريقه.
_ امتى بتحس انك ضعيف؟؟
_ لما احتاج لحد وماالاقهوش خصوصا لو انا مريض.
_ مين اقرب صاحب ليك؟
_ انا.. فعلا انا اقرب صاحب لنفسي.. بااهتم بسماع نفسي واهون عليها واطبطب عليها.. وحتي لما الدنيا والناس يتعبونى.. اقفل على نفسي وابكى.. وماحدش بيحس بيا
الا انا.
_ مافكرتش انك لو ارتبطت حاترتاح؟؟
_ الراحه شعور نسبى.. ممكن ارتاح وانا لوحدى.. وناس تانيه
ترتاح فى وسط لمه.. ممكن ارتاح وانا مش مرتبط.. وغير
يرتاح لما يشعر انه بيحب ويتحب.. انما انا كده مرتاح..
كفايه انى لا بظلم حد ولا حد يظلمنى ولا اجرح حد ولا حد
يجرحنى.
_ طيب انت نفسك في ايه؟؟
_ ولا حاجه.. كل الحاجات والايام بقت شبه بعضها.. وانا
خلاص وصلت لمرحلة الزهد في كل شيء حتى الكلام
مع الناس قللت منه واصبح نادر.
_ حاسس انك اتغيرت؟؟
_ ايوه عشان اصبحت اتعامل مع المواقف والناس من بعيد
لبعيد.. عشان عرفت ان المواقف بتعدى وان الناس بتعدى
وحياتنا اصبحت محطات.. بنقابل ناس وبنفارق ناس.. وكل
حاجه في النهايه حاتعدى وتنتهى.. المواقف والناس.
_ يعنى انت كده مرتاح؟؟
_ لأ طبعا مش مرتاح.. الراحه مش فى الحياه.. الراحه
حاتيجي مع الموت.. لأن طول ما انا عايش حاافضل تعبان.
انتهي حديثى مع نفسى.
.............
بقلم نصر سيد بدر طلحه القاهره
@إشارة
ليست هناك تعليقات:
إرسال تعليق