عطشان يا صبايا
وفي بلدى نهر النيل
عطشان م العيشه لوحدى
والوقت يمر تقيل ...
أوراقى تعيش حواليا ..
وقلمى أوفى زميل ..
خايف لتاخدنى الذكرى
أنا خايف قلبى يميل ..
وبخاف لاتوه فى عيونها
ومفيش لطريقى دليل ..
أنا مهما حاولت انساها..
ما لقاش فى الدنيا بديل
القلب الطيب هى ..
مالهاش في جمالها مثيل
بغيابها الليل اهو طول ...
وصبحت وقلبى عليل..
قلبي عطشان يا صبايا ...
وأنا شايف نهر النيل.
....................
بقلم/نصر سيد بدر طلحه القاهره
إشارة الأصدقاء
ليست هناك تعليقات:
إرسال تعليق