شاي وينسون وحلبة حصى
وناس بتجيب في سيرة الناس
مشغولة بفلان راح وفلان جه
مالكم ومالهم ياولاد المعرصه
على القهوة
شاي وينسون وحلبه حصى
وشيشة بمعسل فاضية
وشيشة بالحجارة مرصصة
من أثر الريحة اللي عليك
طالعة تخليك زي الطماطم
مفعصة
على القهوة
شاي وينسون وحلبه حصى
وناس بتحكي وتتحاكا ملهاش
غير في المصمصة
على بنت رقاصة بترقص بالعصى
أه يا مائصدة في الخيبة لايصة
بكرة تموتي مقرفصة
على القهوة
شاي وينسون وحلبه حصى
وناس ريحة وناس جاية
بتضحك فطسانة من الضحك
مسخسخة
عايشة الحياة رفاهية وشهيصة
مابتنظرش بعين الرحمة لناس
طالعة على حالها من الفجرية
في عز البرد مرصرصة
على القهوة
شاي وينسون وحلبه حصى
وقهوة على الريحة
من غير لاطعم ولاريحة
لبنت في سكة الأوهام ماشية
واخرها ايه يعني خراب بيوت
وفضيحة والجرسة
مرخصة
بقلم عبد المنعم مرعي
ليست هناك تعليقات:
إرسال تعليق