تميل توعد برمش عنيك
ده لو تبعد أموت بعديك
دانا بعمري وروحي افديك
ولو تطلب عنيا اهديك
دانا عايش عشان أرضيك
ولو تزعل حبيبي أراضيك
دانا قلبي مالوش بعديك
معاك ماشي ايديه ف ايديك
محال يبقى ف يوم غير ليك
ولا يفارق هواه أراضيك
يا روحي عليك
حبيبي أنا قلبي مجنونك
وهايم بيك
ودايب فيك وف عيونك
وسحر ماليك
وطير طيرانه فوق كونك
سماه أعاليك
وخاضع ليك ولجنونك
وطوع معاليك
في نني عيونه بيصونك
وباقي عليك
يا روحي عليك
يا روحي عليك وع الهمسة
اللي بين شفاتيك
يا عيني حبيبي ع القُصة
اللي لايقة عليك
يا سيدي عليك وع اللمسة
اللي ساحرة ايديك
يا روحي عليك
بقلمي/ خالد جمال ٢٠/١٢/٢٠٢٥
ليست هناك تعليقات:
إرسال تعليق