مش بنام خالص
جسمي مش خالص
لهفة ف عنيا شوق كتير خالص
دانتي لو غبتي
بنشغل خالص
ببقى يا حبيبتي مِنتهي وخالص
من سؤال روحي
قلبي مش خالص
م البكا ونوحي بتوِجِع خالص
دانتي يا ملاكي
وش خير خالص
بلقى وياكي كل شىء خالص
إني انساكي
لأ بعيد خالص
قلبي يسلاكي مستحيل خالص
مهما زاد حبك
عمره ماهو خالص
ياللي شوق قلبك من دهب خالص
انتي انسية ولا جنِّية
ولا طيف خدني
جه وسكن فيا
دانت ليك فيا أد مانا ليا
لأ يا ملكاني أد وشوية
انتي سحرالي سحر م العالي
ولا ماسكالي ذِلة على حالي
ردي على قلبي فيا إيه مالي
أيوه لو جمبي ايه بيجرالي
رغبة مطوية مش مفارقاني
تبقِي يوم ليا ساكنة أحضاني
تبقى فرشتنا واحدة يا غزالي
والغطا ف بيتنا لأ مالوش تاني
تهنى دنيتنا تحلى طوالي
يوم ما يجمعنا شوقنا ف ليالي
حضن بيسعنا نشوة ف دموعنا
وعد جمعنا فرح مش خالص
بقلمي/ خالد جمال ٢٥/١٢/٢٠٢٥
ليست هناك تعليقات:
إرسال تعليق