فنجان قهوه وسجاره
ساعة غروب الشمس
والشمس ماشيه بتروح
تبات في حضن الغرب
مسكت قلمي من نفسي
اكتب وأقول اللي ف نفسي
عن العشق اللي جوايا
وعن الغرام . اللي ساكني
انا اصلي للغرام عاشق
كأنه جني وساكني
حبيت البيضه والسمره
وعشقت الخمريه والشقره
وكل لون دا ليه حكايات
وطعم وريحه تسكرني
ما. انا. العاشق وانا المعشوق
وكتر العشق دا جنني
وانا القاتل وانا المقتول
وجوه العين والنني
وانا. عارف عمري ما أهون
وساكن في قلوب الصبايا
مغرور وغروري كان طايح
وشجر الغرام. طارح
وموسم العشق طوالي
لا مواسم ولا ليه فصول
لكن الحلو اللي كان فيا
ممشيها غرام بأصول
مع. اني. واخدها فحت ورم
وكمان بالعرض ويا الطول
سكران والعشق متعتق
ومن الشفايف تلاقيني مسطول
وكل ما انسي يفكروني
نعيد من الأول وتاني. بنقول
بقلم
احمد محمود
من ديوان بنا حروف
ليست هناك تعليقات:
إرسال تعليق