القلب اللي مقضِّي حياته
على كيفه ف ليله ونزواته
بينام ويقوم على شهواته
عاش عمره بيرضي ف رغباته
ف الشوق والهوى على نياته
يعشق ويميل كده بسهولة
كت عنده الدنيا دي كاس خمرة
بيدوب تلجها ف ليالي حمرا
مع بيضا وشقرا ومع سمره
بيقول ع الهوى كدبة وفشرة
لا بهمسة بييجي ولا بنظرة
ون العشاق ناس مخبولة
كان أملي إني ابعد واتغير
أطلع من توهتي وأتحرر
إني اعشق واسهر واتحير
بس القلب ماكانش مُخَيَّر
كان رده إن العمر قصير
والروح ليه تعاني وتتمرر
ليه تعيش مهمومة ومشغولة
شفتك غيرت أوام حالي
القلب ما عادشي معاك خالي
وكرهت الماضي ف أفعالي
مابقاش فيها حاجة بتحلالي
وندمت على العمر الغالي
اللي أنا ضيعته باهمالي
وعشقتك يا جميل طوالي
م الهمسة ومن النظرة الأولى
بقلمي/ خالد جمال ١٧/٢/٢٠٢٦
ليست هناك تعليقات:
إرسال تعليق