مستنين الخير يهل هلالهُ
شهر الكرم لكل القلوب
البيوت بتتزين لإستقبالهُ
مع لُقا الحبيب للحبيب
مشتاقين نتعطر بجمالهُ
وقلب المحتاج يطييب
الخير فى زكايبه وأحمالهُ
قمر الدين واللوز والزبيب
فى الحوارى علقوا الزينه
وف الشوارع نوروا الكهارب
الفرحه فى القرية والمدينه
ف قلوب الجيران والقرايب
والطيور والجماد والغيطان
جايب معاه خير وحسنات
على كل الأشكال والألوان
زكايب رحمة فى الطاعات
وأنوارهُ راحه ورحمه وإيمان
بيجمع كل الغرباء والحبايب
لمة رمضان فى آيات القرأن
عطرها يفوح من كل جانب
م رب كريم لقلب كل إنسان
وبتجمع الحاضر مع الغايب
ع العبادات وموائد الرحمن
......................................
..... د/ حسن الشوان 🇪🇬 .....
ليست هناك تعليقات:
إرسال تعليق