هذي صورة حب هذا زمان
ونقول واغير واد جاي هايج
جايب وردة تشكي حرمان
لاراحة تسلية وفرايج
هذي صورة هذي صراحة
في عيد الحب لابسة قناع
والناس تعشق وهام مصلاحة
كل واحد في حبو داع
حب تضحية وصدق بحلامو
ماشي وردة في قلب لغدر
طافية شمعات وهم علامو
كلشي ظاهر ف مداد سطر
لمحبة بنت داك لوصول
ماشي قصة ليها نهاية
سايرة ملي توجد معقول
من غيرها يكسر لمراية
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق