لما انت عارف ان انت منه
وان انت لِيه
وكل نِعَمه ليك سخَّر
مستني ايه ماتعود إليه
ارجعله بدري
ليه تروحله متأخر
ده العمر
أسرع حاجة بتمر
بَكَرَه واوام بِتكُر
كاس ميه هوه
محطوط على الجمر
في ثواني يتبخر
ما تقولشي بدري والساعة كام
دي أحلى حاجه تستسمحه
والناس نيام
دي ساعات ما تتقدر
دايما حبيبك مشتاق إليك
مشتاق يشوف مدة ايديك
لمعان دموع جوه ف عنيك
دمعة ندم تمحي الذنوب
لو كت جبال تنهار تدوب
ف ثواني تتكسر
لحظات تمس القلوب
اوعاك فيها تفرط
الحقها قبل الغروب
ليه تندم وتتورط
بس انت قوله يا رب
والجأ إليه دايماً
تلقاه فاتحلك بيبانه
من قبل ما تخبط
بقلمي/ خالد جمال ٢١/٢/٢٠٢٦
ليست هناك تعليقات:
إرسال تعليق