وبعدين معاك يا زمن
عمال ليه تلاعبني
مره توديني يمين
وعلى الشمال كدا تجيبني
بجري مكاني من زمن
والخطوه اكيد بتغلبني
ولاقي نفسي محلك سر
والكل مشي كدا وسابني
سنين عمري اتسرسبت
والشيبه جات من بدري
ما بقتش عارف مين المظلوم
والعمر خلاص عمال يجري
بعدين معاك يازمن
مخبي ليا ايه تاني
الفرح مشي وراح بعيد
وسابني ويا احزاني
والحزن حناني وكسرني
وبقيت سجين لأحزاني
عشمان في وجه رب كريم
يراضيني في اخر ايامي
خلاص تعبت من الأحزان
مشتاق للضحكة من تاني
محتاج لحضن كله حنان
ارمي فيه كدا احزاني
نفسي في حضن معاه الضم
يهز لي روحي وكياني
وانسي معاه سنين الهم
وتعود البسمه من تاني
وانا صابر علي المكتوب
وراضي. بكل أحوالي
ما. تفرحيني يا دنيا يومين
وبلاش القسوة من تاني
صبرت وصبري دا ايوب
وعشمي ربي ما ينساني
بقلم
احمد. محمود
من ديوان بنا حروف
ليست هناك تعليقات:
إرسال تعليق