اوعي ايدِك يوم تفارق
حضن ايدي
اوعي هجرِك يبقى سارق
مني عيدي
ألقى حِلمي فجر غارق
جوه بحر جراح يا سيدي
اوعى دمك يجري مرة
غير ف شرياني ووريدي
اوعى مرسال الهوى
يوم يفارق شوق بريدي
قولي دايماً قلبي حبَّك
قولي مرة وألف عيدي
امحي فيا الخوف وزيلي
وف أمان القلب زيدي
علميني دروس غرامك
انفعي الروح بيه وفيدي
اقضي ع الأحزان وبيدي
شمع فرحي معاكي ايدي
دفي قلبي من المحبة
خلصي الروح من جليدي
الزمي نهج المودة
عن طريق الصد حيدي
ببقى جمبك نجم يضوي
وان بعدتي يزول وميضي
انتِ عيدي
بقلمي/ خالد جمال ٢٦/٣/٢٠٢٦
ليست هناك تعليقات:
إرسال تعليق