نزلت ستاير الأحزان
والقلب بقي فيه غصه
راح الفرح مع الامان
وكمان خلصت القصه
وخلاص حياتي اتبدلت
والله ما هي ناقصه
عايش. وحيد مع الاحزان
وبيحسدوني عل البسمه
فين حبيبتي بتاع زمان
مشتاق قوي لنسمه
محتاج لحضن كله امان
واكيد هي بكدا حاسه
عايش معاها علي الذكري
جسد. لكن جثه
بحن لريحة أنفاسك
مشتاق انا للمسه
وبعدك عني خلاني
مركب بلا مرسي
والموجه تشيلني وتهبدني
وياريتني قادر أنسي
محتاج لشط كله حنان
علشان بقي أرسي
وخلاص تعبت من الاحزان
والهم اللي راكبني
تعبت من عد الأيام
والأيام مش بتعدي
ما تريحيني يادنيا بقي
وعلي قلبي كدا تهدي
بحب الحب اللي ساكني
ياحبيبتي والله مش ذنبي
بقلم
احمد محمود
من ديوان بنا الحروف
ليست هناك تعليقات:
إرسال تعليق