يا دنيا هما البشر باعوا الحنان كده ليه؟
والقلب بقى رخيص.. والطيبة مالهاش ديّه
كنا زمان نقول: "الجار للجار
دلوقتي الجار بيبيع جاره.. وعينيه ماليه
يا دنيا فين اللي كانوا بيطبطبوا عالوجع
فين الحضن اللي كان بيداوي.. قبل ما نسمع
بقت الكلمة الحلوة بفلوس.. والضمة بميزان
واللي يقولك "وحشتني" تلاقيه عايز حاجة كمان
باعوا الحنان في سوق الغل.. واللي اشترى ندمان
واللي اتبقى منه شوية.. خبوه في قلوب تعبانة
خايفين يطلعوه للناس.. الناس تفتكره ضعف
ما بقاش حد بيصدق إن لسه في ناس بتخاف
يا دنيا هو إمتى القسوة بقت موضة؟*
*وإمتى بقى العادي إننا ندوس على بعض؟
*فين الرحمة اللي كانت ماشية في الشوارع
فين لما كنا بنبكي.. نلاقي ألف إيد بتساعد
دلوقتي الدمعة بتنزل.. تنشفها لوحدك
والضحكة بتطلع.. تسألك: "هتدفعي كام بعدك؟
حتى السلام بقى بارد.. زي تلاجة موتى
والكلام بقى سكاكين.. متغطي بكلمة "أخويا
يا دنيا رجعي لنا زمان..
لما كان اللقمة بنقسمها.. والفرحة بنزودها
لما كان الغريب يشيل همك.. قبل القريب
ولما كان الحنان مجاني.. وما حدش فيه بيبيع
بس تعرفي يا دنيا؟
لسه في ناس ما باعتش..
ناس شايلة حنانها في قلبها زي السر
*مستخبية من الزمن.. بس ما ماتتش
*دول اللي لولاهم.. كنتي وقعتي من بدري
لولا حنيتهم اللي سانداكي.. كنتي انكسرتي
فـ والنبي يا دنيا..
لو لقيتي حد منهم.. طمنيه*
قوليله لسه الدنيا بخير
قوليله حنانك مش بضاعة*
حنانك وطن..
واللي باعوه.. هما الخسرانين
بكرة يدوروا عليه.. وما يلاقوه
محمد السيد حبيب
ليست هناك تعليقات:
إرسال تعليق