جوايا حبة غرام
متغمسين حب وهيام
جوايا حبة كلام
متساسئين قوي بالحنان
جوايا قصة حب محفوره
جوه حيطان الزمان
لكن الزمن غدر بيا
وفضي عليا المكان
أخد مني كل حاجة
وسابلي بركان احزان
سنين عمري. اتسرسبت
ومين غيرك يملي المكان
انا علي العهد لسه باقي
وعلي العهد عمري ما أخون
يا عمري لساكي جوايا
مفيش مكان لمين ما يكون
يا قاعده وساكنه جوايا
وحبك مالي عليا الكون
صحيح الموت فرقنا
لكن جوايا وكلي ظنون
وحياة العشق اللي جوايا
وحشتيني يا كل الكون
بحبك حب خلاني
انا. العاشق وانا. المجنون
يا ماليه قلبي وكياني
يا أغلي. عندي مافي الكون
مشتاق. لضمة أحضانك
محتاج لنظرة عنيكي السود
وحشني حبك وحنانك
ويشهد ربنا المعبود
وبدعي ربي ليلاتي
تصبرني يارب الكون
بقلم
احمد. محمود
من ديوان سكة العاشقين
ليست هناك تعليقات:
إرسال تعليق