شفت ميلادها شوف العين
بقصة أشواق و ياسمين
يعني بعد شي يومين
بتكتب اللهفة حرفين !
درب القصايد من وين ؟
قالت : من صوب فلسطين
ماشيين يا قمري ماشيين
يا همساتك البساتين
يمكن وصلت لقاسيون
كلمات الشجر الحزين
شيّعنا بجنوب النجوم
دم الشهدا فرض و دين
و الأرزة حكيت للزيتون
النصر إيمان و يقين
بالقبضة عرس و ميادين
و دمعة ع خدود السنين
يا حلوة الله بعين
ميلادك بقلبي مسكون
طلّي ع الشرفة يا عين
بسماتك عيد العاشقين
نزلت ْ غيمات الحنين
تروي المسرى ع الجنبين
سليمان نزال
ليست هناك تعليقات:
إرسال تعليق