يلف الحب ويجيني
يلاقيني تملي مشغول
يلف يلف ويجيني
ويقف. في الدور
أنا اللي في الغرام طايح
مقسم قلبي دا مطارح
لكتير من سكان
وفي لحظة من علي سهوه
قلبي خلاص فضي م السكان
قعدت أعاتب كدا نفسي
وأصرخ وأقول اللي ف نفسي
وصابني ياناس توهان
وفي. لحظة عدت. قدامي
مخلوقة هزت لي كياني
لا انا عارف شمال ويمين
رجعت وبصت لي بصه
وشالت م الحاجب القصه
وهنا بدأت القصة
ها حكيها بكل امان
لقيت العقل تاه مني
وقلبي اتخض وفطرني
ونزلت دموع عيني
جرحت لي الرمش والنني
قولتلها يا بنت الناس
انا رايدك بكل أخلاص
أدفع من الغالي مهرك
والشبكة قلبي يا كل الناس
قالت أنا من زمان شايفاك
وقلبي يدق علشانك
قاعد جوه و متربع
مفيش غيرك ياسيد الناس
ويكفيني حته من قلبك
تكون لي قصر مليان احساس
قولتلها قلبي دا ليكي
وعمري الباقي دا بيكي
وقلبي خالي مافيهوش سكان
بقلم
احمد محمود
من ديوان حبة رتوش
ليست هناك تعليقات:
إرسال تعليق