سبتني وانا
روحي إليك مايلة
وانا دمعة عيني
عليك سايلة
ولا فادشي معاك
رجا ومحايلة
فوتني علشان
ايدي مش طايلة
دانا عشت الهوى
مجنون ليلى
وما نابني
إلا هوان ومذلة
علشان كنت أسير لهواك
عشت معاك قصة
شوق هايلة
كت روحي لعهد
الهوى شايلة
أطماعك فيك
كت ليك حايلة
انك تبقى
لقيس روح ليلى
وجريت ورا زيف
ومتع زايلة
أطيان عقارات
أموال سايلة
واتنكرت لوعدي معاك
جايلي دلوقتي
عنيك دامعة
ندمك جواك
نار فيك ترعى
بتقوللي هصون
عهدك وارعى
وهئيد لك عمري
كما الشمعة
دي الروح من غير
حبك صرعى
مانا كنت معاك
والروح خاضعة
وما خدتش غير
جفا وملاوعة
غير جرحي وكسرتي وياك
بعت هواك
بقلمي/ خالد جمال ٢٥/٨/٢٠٢٦
ليست هناك تعليقات:
إرسال تعليق