كَتَبْتُ ياما على الظرف هنا العناوين
عناوين شوارع حواري وكمان ميادين
لا عمر جاني جواب أو رد وقالوا مين
كأني بكتب جوابي بس لناس نايمين
كتبت ياما كتبت على جدار وأحجار
محبوس معايا الحرف وهو من الأحرار
كتبته ومسحته كتير خايف عليه من التار
زنزانة مضلْمة عتمة وبير مالوهش قرار
خلاص يا حرف خلي على جدارنا كتاب
يمكن في يوم النور يخبط لينا على باب
ساعتها قوم وافتح مافيش عندنا بواب
ما فيش غير حرف باقي بحبر خف وداب
الشاعر / يحيى حسين
القاهرة - 22 أغسطس 2026
ليست هناك تعليقات:
إرسال تعليق