بجمال عنيها يا ناس مفتون
عيون حبيبتي دي أحلى عيون
لو قلت ليه ؟؟ هتقولوا مجنون
تاخدك في ثانية تلف الكون
النني فيها كما لولي مكنون
اتحدى حد يجيبلي اللون
مش لون بجد دي ليها ميت لون
الصبح سود مافهومش ظنون
الضهر ييجي يقلبوا لسيمون
ساعة العصاري بن ومطحون
في المغربية لون الكمون
بالليل بقى مابشوفشي اللون
ده نور جبينه بيداري ع الكون
دي ملاك بريء قلبها ده حنون
لمسة ايديها بتحاجي وتصون
همسة عنيها أفراح وشجون
الكحل فيها ليل ساكنه مجون
السحر ليها ده أسير مسجون
كلامها سيف عمرها ما تخون
قلبي الضعيف بقى ليها مرهون
هموت عليها عشقان بجنون
كل اللي شافها قالولي معذور
ربك معاك ويكون في العون
قلت اعمل ايه مانا بيه مفتون
مفتون
بقلمي/ خالد جمال ٢/٨/٢٠٢٦
ليست هناك تعليقات:
إرسال تعليق