حتى الحب عليك يعِم
وتعيش بخير ولطافة
لازم تقدِرْ تضحية الإم
وشو ما بتعمل مش وافي
وكرمالك شو بذلت دم
وغذتك حليب صافي
ومن زغرك بقلبا تضم
وتغفى بحضنا الدافي
وعليها كنت إنت الهم
حتى تزيدك ثقافة
وفيك شو كانت تهتم
وما تخليك تمشي حافي
وبحفاضاتك تبقى تشم
وتقوم بعملها الإيضافي
وتمسح دمعاتها بالكم
وتدعي للرب الشافي
وربتك لازددت فهم
وحبها إلك مش خافي
ولما كبرت يابن العم
وراسك علو الظرافة
وصار عندك شوية علم
استخسرت تقلها عوافي
إصحى وفيق من هالحلم
وتعامل معها بمحبة وسلم
وشو ما بتعمل مش كافي
بقلمي إسحاق قشاقش
ليست هناك تعليقات:
إرسال تعليق