بشوف الكل ف عنيكي
وأقول دايب غرام وحنين
يطول العمر واتاريكي
شاغله ناس تانيين
تعالي نسيب جراحنا بعيد
تعالي كفايه خوف وبعاد
ده عشقك زي فرحة عيد
يطوف بينا بلاد وبلاد
يطول العمر مهما يطول
أنا مش ح اعيشه غير بيكي
ومين يقدر يكون مشغول
بغيرك وانا لسه بدوب فيكي
إنتي قمري في عتمة ليلي
بحب غيرتك وتكشيرتك
رؤيتك من حنان نيلي
وأكره اللي يجيب سيرتك
تعالي نضم كل الكون
ياخدنا الحب والإحساس
ولو قالوا في يوم مجنون
مايهمنيش كلام الناس
كفايه أحس بالدنيا
واعيش الحب علشانك
و مايهمش حاجات تانيه
ده قلبي ده هوه مكانك
وسيبي عمرنا يعدي
مانا تايه تواهانك
سيد الحلواني
ليست هناك تعليقات:
إرسال تعليق