الذكريات جوايا بستان أحاسيس
مهما ابكى دموع بارضوا متكفيش
ولا البعاد من صفحاتُه يمحييه
اللى بينى وبينها عمره ما يتنسيش
ذكريات الماضى معدن أصيل
هى اللى مخليانى لسه بعيش
زمانها جوايا من الزمن الجميل
اللى عمرى ما حنساه ولا اداريه
اللى مكتوب جوايا بخط جميل
وخلانى افتكر كل ليله من لياليه
ذكريات الماضى بشوفها قبالى
وفاكر عيونها وعمرى ما أنساها
اللى بينى وبينها لسه ف بالى
برغم السنين لسه قلبى معاها
واحتار مع قلبى وأسأل سؤالى
يا ترى فاكرانى ولا البعاد نساها
يا ترى فاكرانى وانا لسه جواها
وانا عطر هوايا أصله من هواها
يا ترى فاكرانى ذى ما انا فاكرك
قالولى اللى بيفتكر حبيبُه يفتكروا
واللى يدور بخاطرُه يُدق خاطرك
ويقول سيرتك ذى مبتقول سيرتوا
وعمر الحنين مينساك ولا ينساها
المشاعر عايشه برغم مرور السنين
بتجرى فى الدم لهفة واشتياق
ذكريات باقيه وبتزيد فى الحنين
وبتلهلب القلووب بالأشواق
والذكريات الجميلة باقيه بمعناها
د/ حسن الشوان/ مصر
ليست هناك تعليقات:
إرسال تعليق