آخر كلمة رح إحكيك
وبدعي ربي ليهديك
وما بدنا جاه ولا مال
أخلاقك وحدا بتعليك
وإجمع قرشك بالحلال
والله وحدو ل بيعطيك
وعالجامع عندك إقبال
وما تخلي العالم تشمت فيك
والكرامة هي الرسمال
وكل العيلة بتهنيك
ولإمك صلا وأعمال
وعالجنة بدها توديك
وللزوجة أعطي مجال
وبالمحبة رح تحويك
وعاملها بأحسن حال
وما تضل تصيح متل الديك
وأعطيها حب ودلال
أفضل ما هي تربيك
وشاركها بتربية العيال
وغيرك إلها ما في شريك
وما تنجذب للجمال
وما تنخدع بلبس الشيك
بتضلك مشغول البال
والشيطان بيلعب فيك
وما تصادق واحد دجَّال
وخيك وحدو لِ بيحميك
وع بيك كل الآمال
و حرم نفسو ليطعميك
وبالشدة خليك رجَّال
وإعمل بوصيتي بيكفيك
بقلمي إسحاق قشاقش
ليست هناك تعليقات:
إرسال تعليق