...............
هو كان ده
حب ولا
ليل سراب خدعوه بطله
كان وكان وداب وولا
مات خلاص غدر الدياب
لما كوابيسك تجيلك
إفتكر طعم النواح
واللي كان بيني وبينك يوم وليله نسيته راح
قول تسالي قول أغاني
قول وقول
ما الغش ساح
كدب منك صبر مني
مش ملاك أبكي عليها
ولا نادم إنه راح
ما الوشوش بانت وخانت
وإنقطع ثوب السماح
خلي براويزك تفيدك
ما الدهب إتشاف قزاز
إنكسر تمثال أناني
عشمه واهمه إنه فاز
كرهيت العين اللي شافت
حجمها قد أيه نشاذ
كده أخرة الروايه
وعتمتك لها ميه صباح
بقلم .. صبري رسلان
ليست هناك تعليقات:
إرسال تعليق