قصيده بعنوان
(نفسى أعرف. ،)
هو معنى الضحك
إيه.
هو إيه إحساسه.
إل بيضحك.
وإيه شعوره بيه.
بيكون مليان سعاده
ولا بيضحك ومش
عارف هو إيه
إل فيه.
هي آه ولا آهات.
بتخرج من جوه
صدره على هيأة
ضحكه بتجلجل.
وتحرك أنين
وأزيز جرح نازف
فى قلبه كاويه.
أنا نفسى مش
فاكر ضحكت إمتى
من يوم ما فارقة
نفسى من ساعة
ما قلبى حب
كل حاجه كانت
حلوه طرحه
ورد وطرحه فرح
رغم فقرى ورغم
إحتياجى بس
كان فرحه ماليه.
ولا يوم حاسيت
بهم ولا شلت حزن
رغم حمل.
فوق حملى.
كنت راجل عنفوانى.
إيديه فى الشقوق
تصدعات لكن
كانت قويه
تهد أعظم
خوف وكان تعبى
وشقايا وفقرى
على قلبى
سكر أحلى
من العسل وكنت
حمده وشاكر
فاضله وكنت
صابر وراضيه.
كان الصبح له
معنى تانى
وطعم تانى
والعصافير الصبح
بدرى تقوم تهز
النهار وتصحيه.
نفسى أعرف هو
معنى الضحك
إيه يالي جربت
الضحك النهارده
ممكن تقولى.
وفين نكدك وفين
غلبك وفين همك.
وفين عجزك
وفين خوفك.
ولا كل دول
فيك وبتضحك علي.
وعلى نفسك.
وبتداريه.
نفسى أضحك لما
أموت من الضحكه
ويقولوا كان بيضحك
ومش حامل للدنيا
هم بدل ما أكون
فى الدنيا عاجز لا حول
لى ولا قوه
مكتوفه إرادتى.
ومسلوبه وأنا شايف
حلمى بيموت
كل ثانيه بين
إيديه لا قادر أحققه
ولا قادر أنهيه.
16/10/2020
ترنيمات وخواطر.بقلم)
خيرى حسنى...............)
ليست هناك تعليقات:
إرسال تعليق