قصيده بعنوان
(عدى....؟!)
عدى ياغربه.
وإحسبى فينا.
متنقصيش
من العدد
فينا من الجروح
والهم والنكد
عبناهم
فى شويله
وفينا.
وجع فى القلب
مالينا
عدى على الأصابع
من واحد لميه.
ومتغلطيش فى
العد عدة سنين
الآه وإل
جاي منها كاوينا.
يارب رحمة
واسعه رفعنا
لك للسما.
ندعى تفرجها
من الكرب إيدينا.
ودموعنا نزله
على خدودنا
سيل غرقنا
فيها وراحة
أمانينا.
عدى يا غربه.
ومتستحيش.
وأضحكى.
ما كلتى وشربتى
على ضهرنا.
والعمر ولى.
لا نفعتنا زوجه
ولا ولد
والقبر فاتح لنا
بابه والموت
على الحافه
بياخد ما
بعطينا.
(عدى.....)
يوم ورا يوم.
سنه بعد سنه.
الطفل أصبح.
عجوز والشيب
شيبنا وإنحنى
العود والرجل
إل كانت بتهد
مكانها وإتدب.
أصبحت بتجر.
والقلب عقرب
ثوانى فى
دقاته ضخكاته
فى الدم.
ماعادت
بتكفينا.
مين إل إتحمل
البرد فى
الشتا والنار
فى عز الصيف
لأجل لقمة
عيش وقرش أسود
بنجيبه بالدم.
والعرق لا نلاقى.
كلمة عشم
من حبيب
ولا نلاقى
إل يحبنا
وكلمة بود
وحنان ترضينا.
حياة طريقها
الشوك مكتوب
علينا نمشيه
وإل له كلام
غير كدا
مطلوب منه
يفهمان ويوعينا
أنا الغريب.
عن أهلى
وعن ولدى.
مطعون فى
روحى بسكينه.
محروم من الضحكه
والوحده عنكبوت.
خيم على
صدورنا.
وإنقطعت كل
السبل غير
ربى إل
(حامينا. ؟!!!!)
8/10/2020
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق