انطق وقول يا قلم
---------------
بتنزف ليه يا قلم بدل المداد دموع
وبتشكى من الالم ومن شدة الاوجاع
صحيح مال الزمن والظلم فيه شاع
ومعدش ليها ثمن الناس وبختها ماع
وشوفنا فيها العبر والحق فيها ضاع
انطق كلام معتبر لو سدو الاسماع
فيه ناس بتقتل ناس وناس عايشه صراع
وناس كثير انجاس وناس بتتباع
وناس بتشترى وناس مش لاقيه
وناس بتاكل طرى وناس متضايقة
وناس عايشة فى هنا وناس مش فايقة
انطق وقول يا قلم ومتكتفيش بالدمع
ازاى نعيش وناس بتطفى ضى الشمع
انطق وقول كلمتك لوكانت الاخر
بلاش تموت همتك وتبعد وتتاخر
وكلمة لحضرتك اسمعها للاخر
اللى يخاف من البشر بفعل الحشر هيموت
واحد وحاكم القدر مش بغل ولا هلفوت
وعليك اللى ستر الواحد المعبود
انطق وقول كلمتك يا ابو كلمة كالنبوت
تادب اللى غدر واللى عليك هيفوت
ومعدش لابن الغجر لا عمة ولا زعبوط
بكرة عليه تنتصر بضربة اخر الشوط
انطق وقول يا قلم لوحتى هتقول توت
بقلم محمد البلاط
ليست هناك تعليقات:
إرسال تعليق