نراعي مشاعر غيرنا..71
نراعي مشاعر غيرنا والفرحة تكون مابينا
الناس مالهاش دعوه ونحترم اللي بيقدرنا
ونخاف ع مشاعره مش نعمل نشره بهدف نسعد غيرنا
فيه اللي ارمل واللي مطلق واللي مراته زعلانه منه يبقى ناخد بالنا
الفرحه تخصنا احنا داخل بيوتنا مش نعملها قضيه والكل يسمع عنا
نراعي مشاعر أهالينا وصحابنا والناس اللي تعزنا وتقدرنا
مش نفرح وغيرنا يبكي ونحسسه اننا افضل منه مهما كان دا اخ وصديق وقت الشده بينفعنا
مش نغيظه نبين فرحتنا ونقول للكل ماحدش ف حبنا ولا جمالنا
البيت ستر وغطى ونعمه ولما يحصل كارثه نرجع ونقول دا بيحسدنا ع فرحتنا
الحب ف القلوب نار قايده بس بالعقل والحكمة من غير ماشخص يعرف أسرارنا
نداري ع شمعتنا ونحافظ ع سمعتنا ونحس بجرح غيرنا حتى لو السعاده ع بابنا
نفكر ونراعي شعور غيرنا ربنا بنفسه هايسعدنا من غير مانعلي صوتنا
او نكتب منشور نغيظ بيه أصحابنا فيه اللي عنده مشاكل وقضايا بينه وبين زوجته وحرام لما نبين قدامه فرحتنا.
حتى السعاده والفرحه بتكون ليها حدود ووقت يناسبنا
ومافيش داعي نزعل ناس تعزنا وتتحسسنا بوجودنا
الفرحه سطر ف جمله وتكون داخل بيوتنا مش مهرجان والكل يتكلم عنا
ولو وقعنا ماحدش هايرحمنا دا سر نحافظ عليه طول حياتنا
ونفتكر إن ف ناس انجرحت بسببنا حتى من غير مانقصد لازم نفكر بعقولنا
عشان ماحدش يلومنا ولا يعاتبنا ولا يحسدنا ع حبنا لبعض واحترامنا.
نتبادل المشاعر من غير ماشخص يعرف منين سكتنا حتى مش قدام أولادنا.
كل وقت وله اذان زي ما ربنا أمرنا حتى لو بالحلال ناخد بالنا ونراعي مشاعر غيرنا.
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا...
الشاعر طاهر مختار عتيت....فارس الكلمه
شاعر العصر... تحيا مصر..... الاحساس و بس
طنطا كفر الزيات...أكوه الحصه
ليست هناك تعليقات:
إرسال تعليق