........... إدعيلي يا امه ...........
قولتلها إدعيلي يا أمه
قالتلي يكفي إني راضيه عليك
ح ينور كل ايامك الضلمه
وح ينور بصيرتك للي حواليك
إللي متمرش فيهم اللقمه
والغل جوااااهم وبيشمته فيك
ونفسهم تتذل في كل أزمه
ويمثلوا إنهم ياخدوا بإيديك
عايزينك تعيش دوما رمه
وفرحتهم يشوفوا دمع عينيك
وما يكونش ليك أي لزمه
والغل جواهم دوما موجه إليك
بدعيلك يزيح عنك الغمه
وربنا ما ح يكسر أي خاطر ليك
قولتلها إدعيللي يا امه
قالتلي بكل جوارحي بحس بيك
إنت فرحتي في أي لمه
وأتمني اقضي عمري كله حواليك
إنت ليا أجمل وأحن ضمه
نورت حياتي بنهارك و قمر لياليك
إنت الضنا الغالي وأعز بسمه
وراحتي تشيلني وتوودعني بإيديك
وإدعيللي يا بني بالرحمة
وتعيش دنيتك وربنا يابني يراضيك
ويبارك لك في كل نعمه
وينصرك ف حياتك علي كل أعاديك
..................................................
............. حسن الشوان .................
ليست هناك تعليقات:
إرسال تعليق