قصيده بعنوان
(بعرف إنك. ؟!)
أقوى منى.
صعبه وشديده
وقويه.
وبعرف إنك.
جدعه جدا.
إستحاله تكونى.
ندا.
وإن كان لازم
لابدا.
أنا بارضوا فى
الشده بتلاقينى.
أنا منك وليك.
جيناتى من
جيناتك.
وصفاتى من
صفاتك.
ومش ناسى
إنك إنتى.
فى عز الأزمه
تعينى.
إنت روحى.
وإنت عشقى.
وإنت أول
بيت فى
قصايدى.
زي ما قالوا
إنه شعر.
وأول إسم
ورسم بقلمى.
فى حروفى.
ومين غيرك
متحمل وبعرف
ظروفى.
سندى فى ضهرى
بتبقى راجل.
بس صعب
علي إن أشوف
بأم عينى.
إن من عطفك
وحنانك
تحرمينى.
بعرف إنك أقوى
منى
وبعرف إنك جدعه
جدا.
إستحاله تكونى
ندا.
وإن كان لازم
لابدا.
أنا بارضوا
فى الشده
بتلاقينى.
أنت ناسيه
إنى.
راجل لي تقلي.
ولي هيبتى.
والهيبه مش
بالمراجل.
فى شدة
تعبى بأصبر.
لو بعانى.
أو بموت.
أو فى يوم
زمنى أزانى.
ومهما كنتى
إنتى أنثى.
إنتى لعبه
بين إيدي.
أخاف للهوا
يجرح
شعورك
أخبيك
جوا عيني.
وأفرش لك.
قلبى بحصيرى.
بعرف إنك أقوى
منى وصعبه
جدا بس
إن كان لازم
لابدا.
إنك تكونى.
أيضا ضميرى.
وخط سيرى.
وإتجاهاتى.
وبوصلتى.
مش إنحراف.
وفي حد غيرى.
مش مع السلامه
إنصراف.
تهجرينى.
تبعدينى.
تهملينى.
تخدي قلبى
وعمرى عنوه.
والمفروض أطاطى
وأركع.
وأي كلمه منك
أسمع.
لا أهش ولا أنش
وكل حاجه
في بس
ليك مطمع.
بعرف إنك
أقوى منى.
والمطلوب بحياتى.
أدفع.
وأنا ساكت.
صامت وأخرس.
أرفع إيدي
وأشاور أمين
لا أقول ليه
ومنين ومين.
أنتم كدا
يا صنف
حواء.
محيرينا
ومغلبينا.
ومشيلنا.
على راسنا
طين.
بعرف إنك
أقوى منى.
26/3/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق